貓貓生活日誌

這些都是用借來的Canon鏡頭(F1.8/50mm)拍的, 真是好好呀! 我都打算買一支, 咁可以常常同佢哋影靚相.....

看貓貓們瞓覺, 其實係一件好開心的事, 因為大多數情況下, 佢哋的睡姿都係好搞笑的........大家來看看卡樂B的........

近來,多多經常擺出一張臭臉, 何解?

當我們接卡樂B返來時, 多多已很好奇, 不斷跟蹤卡樂B. 第二日, 因為一早已預約好, 我哋便帶多多去絶育.....但多多並沒有因為已絶育而放棄緊叮卡樂B, 相反, 仲常常去嗅和咬卡樂B, 但卡樂B唔係好喜歡多多, 可能因為咁多多近來常常臭着臉呢!!

波仔並唔太喜歡玩, 我們已經常常同佢玩, 但波仔都興致缺缺, 反而栗子, 多多, 甚至卡樂B都争住玩.....

波仔的身型因而日趨肥胖.....

你們看我係唔係好可愛呢?

佢哋係好喜歡"飲管套" --即係紙包飲品上的那些透明的飲管套, 只要我哋去雪櫃攞紙包飲品, 佢地係會即時衝到雪櫃附近, 望住我哋要求我哋俾佢哋玩.....而佢哋亦都會將那些飲管套咬住, 然後帶到我們的床上去......

有一樣好好玩的, 我哋常常會同栗子玩的, 因為只有佢先會有反應, 如果我哋身體隱藏在門後或廚房布簾後, 然後探頭出來望栗子, 佢會喵喵地叫回應我哋, 然後會行到我哋所企的地方, 跟着會企直伸個懶腰, 有時仲會俾隻手仔我哋tim !! 唔知咁多位貓主有冇同你哋d貓貓玩過呢?

這個短片係5月時拍的, 栗子和多多互毆.  其實, 佢哋都係玩, 唔係發惡!! 你們看栗子很喜歡多多的肥臀哦!!

不知是多多因為卡樂B新來的關係, 還是卡樂B是"女"的關係, 多多一直都貼身跟住卡樂B, 係緊迫地看著, 不惜唔食唔飲唔瞓, 又會打卡樂B, 弄得卡樂B都怕了多多.  本來, 我哋以為多多打卡樂B 2-3下就算, 但至今還是貼身跟住卡樂B.  雖然, 今日開始好似冇跟咁貼, 但卡樂B貓仔細細, 都不甘示弱地會打返多多.

今早多多的頭已被抓破了少許毛, 因為今早上班時是沒有的, 但媽媽下午便見到多多的頭皮紅了一些, 我哋估計係卡樂B打返多多!!

以下, 係早2日的短片~~ 

其實, 我一直都有幫佢哋拍吓短片....但相機換咗去panasonic之後, 短片係.mov格式, size亦太大, 要upload上來或其他網站都要先轉格式....到現在都係好難去找到合適的軟件.....唔知有冇人有好介詔呢?